Mga bagong pinuno

Ano nga ba ang mga bagay o batas na kailangang gawin at ipatupad ng bagong Set of SSG officers ?
    Bilang isa sa mga nanalong officer ng SSG. Para sa akin kailangan po muna naming bigyang pansin ang mga simpleng batas na hindi nabibigyang pansin sa ating paaralan. Gusto rin po naming magkaroon ang ating paaralan ng pantay pantay na batas. Lalong lalo na po sa haircut ng boys. 

Sineryoso tapos Pinagtawanan

Bagay na sineryoso ko nung una pero sa huli pinagtawanan ko na lang ?
   Napakaseryoso ng tanong na ito para sa isang tulad kong magaaral. Pero dahil kailangang sagutin, Osige sasagutin ko sa abot ng aking makakaya :)
   Marami akong bagay na sineryoso parang ung pagmamahal nya sineryoso ko kasi akala ko sya na, akala ko hanggang huli na, akala ko kami pa, Pero AKALA lamang pala ang lahat. Tapos ito ako ngayon habang tumatagal nalaman ko na ang mga bagay na tulad noon ay hindi pa pala dapat siniseryoso kundi siguro pinagtatawanan muna. Kaya ito ako ngayon pinagtatawanan muna yung mga nangyare :) hahahaha hugot ako :) Pasensya na po'

Field Demo sa maganda at masamang pangyayari

Maganda o di kaaya aya ?
   Maraming nangyari noong araw na iyon
gaya na nga lamang ng abalang abala kaming lahat sa pag aayos ng aming mga sarili. Galak na galak rin ang lahat sa event na iyon. Mananalo kaya kami o matatalo ? Yan ang katanungan na bakas sa aming mukha. Matapos kaming magtanghal halos mabunutan kami ng tinik dahil sa kabang nararamdaman namin. Habang sinasabi ng MC ang mga nanalo makikita pa rin sa  mga mukha namin ang pag-asa na sana manalo kami sa patimpalak na iyon, Ngunit sa kasamaang palad hindi kami nanalo kaya ang pangyayaring iyon ang masasabi kong di maganda dahil natalo kami. Pero napaisip isip ko na masasabi ko rin naman iyong maganda sapagkat hindi naman sa lahat ng pagkakataon kailangan ay nanalo tayo minsan kailangan din nating matalo upang tayo'y matuto at pagbutihan pa aa susunod '
      Kaya ang Field Demo para sa akin ay may mabuti at masamang dulot samin :)

Maligayang Araw ng mga Puso o Maligayang Araw ng Pagkakaibigan

'Ang araw ng mga puso ay hindi lamang para sa mga magkasintahan kundi para rin sa mga magkakaibigan'
      Isa iyong napakasaya at napakagandang araw dahil bukod sa may lakad kaming magkakaibigan first time ko ding makipag date kasama sila. Sila ay sina Angel Iwag, Jiev Mercado, Jm Campos, Ryan Loreno at Jelica Cinto. Masayang masaya kami noong araw na iyon kumain kami nagquantum at nag KTV. Masasabi ko na isa iyon sa mga napakasaya at di ko malilimutang pangyayari na nangyari sa aking buhay.    
         Kaya para sa aming magkakaibigan hindi mo kailangang magkaroon ng kasintahan upang ipagdiwang lang ang araw ng mga puso basta may kaibigan kang para sayo mapagkakatiwalan ayun kayo kayo mismo pwede ng magcelebrate ng mga okasyon tulad nun :)

Si Donya Victorina sa Character's Parade

Ano ang naramdaman mo sa nagdaang Character's Parade?
       Ako si Donya Victorina sa nagdaang Character's Parade. Halo-halo ang naramdaman ko dito saya, inis, sabik, at higit sa lahat KABA. Saya dahil para sa akin matagumpay na naming naisadula ang mga karakter na aming gagayahin. Inis naman dahil halos maubos na ang oras namin sa tagal ng presentasyon na ginawa ng ibang grupo :). Sabik sapagkat sa unang pagkakataon ko pa lang nagaya ang karakter ni Donya Victorina. At higit sa lahat KABA dahil para sa akin hindi naman iyon maiiwasan lalo na sa mga presentasyon na gaya noon. 
         Sa kabuuan, naging matagumpay ang pangyayaring iyon para sa akin. 

SI Lolo Pepe

  Kilala mo ba si Dr. José Protacio Rizal Mercado y Alonzo Realonda ? kung oo 'buti naman'at kung hindi 'hay nako. Ako? Di ko sya ganoon kakilala pero masasabi ko naman na may kakaunti akong nalalaman tungkol sa kanya. Tulad na lamang ng : Si Rizal ay nakatira sa Calamba sa Laguna. Ikapito rin sya sa labingisang anak nina Teodora Alonzo at Francisco Mercado. Ipinanganak sya noong June 19, 1861 At namatay noong December 30,1896 sa Bagumbayan na mas kilala ngayon na Rizal Park. At mayroon din syang nagawang mga aklat isa na nga dito ang binubuod ko ngayon na Noli Me Tangere. Yan ang ilan sa mga nalalaman ko tungkol sa kanya sana may natutunan kayo. Salamat :)

Two.Zero.One.Six

       Bisperas na ng bagong taon at gaya ng inaasahan ko aligaga nanaman ang nanay ko sa pagkumpleto at pagbili ng labing dalawang bilog na prutas pati na rin ng ihahanda namin sa bagong taon. Pasado alas sais na ng gabi ng simulan nyang magluto. Tumulong na din ako para mas mabilis na matapos at naglinis na din ako ng bahay para maaliwalas tingnan. Kaya masasabi ko na isa iyon sa mga nakakapagod na araw. Malapit ng mag alas dose ibig sabihin malapit na ding magbagong taon kaya nagtipon-tipon muna kaming pamilya sa loob ng aming bahay. Di man iyon kasing bongga tulad ng sa ibang pamilya na halos buong angkan talaga sila ang mahalaga safe kami at masaya. Yun naman yung mahalaga ih diba? At tulad nga ng gusto kong mangyari naging safe ang pagsalubong namin sa 2016. Kinaumagahan, dumiretso naman kami sa Pinugay sa bahay ng tita ko para doon ipagpatuloy ang aming new year's celebration at syempre syempre syempre napasabak naman ako sa matinding kainan. Kaya isa yung napakasarap at napakasayang araw